«Vaia choio!!»
Francesco Negroni enfróntase de novo aos traballos máis duros, arriscados e desagradables. Novas seccións, novos retos... pero a mesma suciedade!
Coa que está caendo hoxe en día din que ter choio é un privilexio, ou pode que non tanto. Francesco Negroni, unha especie de capitán de cruceiro pero con acento galego, percorrerá Galicia de novo na procura dos traballos que fan que a vida sexa máis cómoda e unha ducha despois da xornada moito máis necesaria. O programa volve renovado, con traballos máis complicados e descoñecidos, empresas pioneiras no seu sector, e novas seccións. Porque traballos, como as meigas, habelos haylos.
